廣東
陳家樂和連詩雅Shiga結婚兩年，由兩口子變成三口幸福之家，Shiga產后工作忙個不停，除了唱歌、主持還踏足舞臺劇界，老婆過足戲癮，家樂亦不讓老婆專美，踩過界為網上平臺ChillGOOD主持新節目《巴打圍爐The Bros Club》，與火火、梁釗峰和KB拍住上。
昨日(23日)《巴打圍爐》第一集在YouTube上架，主題為“男人自尊底線！窮和性無能都不及XX？”四條中佬吹到天昏地暗，無所不談，火火毫不留情對家樂謂：“我哋三個都比較憎你，因為你系人生勝利組，男主角、靚仔、老婆靚家庭又幸福！”被狂笠高帽的家樂表示：“我諗勝利系你哋誤會咗我。”他謙虛解釋：“可能系既定印象，都未真系了解我就話我勝利。”
火火指家樂靚仔有利追女仔，家樂耍手擰頭謂：“普通靚仔，有好多好靚仔嘅，唔系我話想要邊個(女)就可以要邊個嘅！”火火追問他有否追女失敗經驗，家樂尷尬笑謂：“我又好少有媾唔到女嘅經驗。”眾人起哄，他即時解畫是因為要有十足把握才會出手，火火迫問：“咁系咪百發百中？”此時家樂已經無計焗認：“好似真系少啲。”
家樂在節目中大贊老婆Shiga對他非常遷就，兩公婆甚少鬧交，傾到人生低潮期，家樂竟表示現時活在辛苦中：“可能好多人覺得我好多嘢做，我能力未必可以俾我選擇做或唔做，又唔知自己嘅選擇啱唔啱，譬如今年我放低咗一啲工作，但收入就減少，冇咗呢啲錢，點照顧屋企呢?!”而家樂最希望演技獲認同，有其他突破。
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
