王祖藍點解阻止拍纖體廣告 細細粒想透《明周》徵婚│封面故事

現年三十九歲的“細細粒”陳嘉佳，由二三年八月開始減肥，經過一年零八個月，五月二十九日踏入四十歲的她，終于穿上真正的泳衣拍下成果。

這趟減肥之旅，“細細粒”受到大家重新關注，然而，減肥后的她并沒有變了模特兒身材，但徹徹底底重拾健康和自信，并希望大家記起她的演員身份，發掘她更多的可塑性，四十歲，準備重啟第二人生。

為了解自己的肥因，細細粒都研究了一段時間，“我減到開始懷疑人生，有日同阿媽傾偈，我問佢其實我係咪真係由細已經咁大食？阿媽話我六個月大，可以食到三碗皮蛋瘦肉粥，兩歲去飲茶，一個人食曬一個白色陶瓷碗嘅鳳爪排骨飯，仲要將同枱uncle嗰啲鳳爪排骨都食埋，阿媽仲記得我六歲，煮飯煎雞翼，嗰時一磅雞翼應該有十五隻左右，佢就要買一磅半至兩磅先夠我食，原來我由細到大都未試過肚餓，我依家都會食，不過我識得飽喇終于，唔識餓同唔識飽係一個好嚴重問題。”

今年二月，細細粒出席衛詩雅的婚禮，一到場大批傳媒便譁然！連容祖兒見到她都忍唔住話︰“嘩！你瘦咗好多呀！”當時本刊記者被安排與她同枱，整晚細細粒都真係乜都食少少，“嗰陣係再瘦啲，一百三十八磅左右，但睇起上嚟個樣好惡，唔鍾意，依家咁我覺得ok。”

王祖藍點解阻止拍纖體廣告

細細粒續說︰“而家四十歲，又未結婚、又冇小朋友，我覺得自己仲有體力，身體又健康返，所以其實我想拍番嘢，咁多年大家仲係記得我‘Vivienne’呢個角色，點講呢？其實入行咁耐，我拍戲嘅日子真係唔多，真真正正拍戲都係拍咗三、四年，你問我依家瘦咗啦，可能肥我都未想會繼續去拍嘢住，因為都係延續于一個搞笑嘅角色，只不過由三十歲嘅搞笑肥妹，變咗四十歲搞笑中女，我想拍啲認真演戲嘅角色，其實十年前我都有一個機會……”

細細粒加入無綫第二年，拍下《老表，你好嘢！》和《My盛Lady》后就很快“入屋”，那時坊間仍然流行很多纖體廣告，當時張玉珊亦親自出面邀請細細粒減肥，“我想減?，由細到大都想瘦，嗰陣時張玉珊同我講會幫我減到一百二十磅，仲有七位數字代言，係呀！好吸引！嗰時我先廿九歲，我記得我哋第一次見面喺半島coffee shop，之后上咗尖沙咀嘅纖體公司，見曬佢哋成個團隊，我諗有十幾個營養師，過程係好愉快好開心，心諗，嘩！

拍完電視劇之后，即刻可以減肥成功，我記得我同張小姐嗰陣仲開咗個條件，我話我想拍套電影，好似《瘦身男女2》由肥到瘦都要我自己演，張小姐竟然都答應咗，咁點解到最后唔成事呢？因為我入行經過所有嘢都係多得祖藍，見完張小姐之后，我同祖藍傾，祖藍係reject叫我唔好減，祖藍同我講，‘細細粒’仲可以帶俾你好多想像唔到嘅嘢，佢話我可以選擇轉型，但未必係呢個時候，咁的確，之后嘅‘細細粒’帶俾我好多嘢，呢個名到依家都十年啦，帶俾我嘅收入都肯定多過七位數字。”

“《明周》可唔可以徵婚?？”

細細粒是首批在內地做直播的藝人，亦是少數仍然在直播圈能夠生存的藝人，她坦言，并不是大家看到的簡單容易，“唔係大家想像得咁好，如果唔係，個個都去做啦，真真正正藝人走去做直播其實好少，你要遇到一個好嘅團隊、好嘅公司，先集合到一啲好嘅產品，仲可以俾你揀，一開始我係因為遇上疫情，個個都留喺屋企，好需要食物，我遇上一個好好嘅機會，咁后期咁多人做直播，個個都賣，我做咩要買你那些？

咁係因為做過一啲好漂亮嘅盈利，我初時嘅盈利真係好少，講緊搵幾萬蚊一個月，去到后期真係儲咗一堆客，咁人哋會認住你個樣你個名，每年買大閘蟹都係搵你、買榴槤又搵你囉，呢三年嘅食播，係食到真係有少少健康問題。

第一次做嗰個body check係幾恐怖，唔敢同阿媽講，嗰陣時買完藥都唔夠膽攞返屋企，因為我每次飛返香港，都要配半年至一年藥，一大袋呀，每次配藥都要兩萬八到三萬蚊，我係將袋藥擺喺超市膠袋，返到屋企即刻擺落個行李箱入面，阿媽一直都唔知，但依家健康返佢都放心嘅。”

以前細細粒減肥或多或少都希望拍嚇拖，不過到現在仍然未有聲氣，媽媽亦沒有再提想她有下一代，“我肯定仲生到嘅，哈哈！不過連一個伴侶都未有，阿媽都唔問喇，佢唔係好識得享福嘅人，鍾意過返以前嘅生活，我好辛苦先勸咗佢搬，但係佢都係鍾意過住節衣縮食嘅生活，我覺得唔需要逼佢，拍拖……喂！

《明周》可唔可以徵婚?？唔好呃錢嗰啲，我好聰明?，如果真係想識我，又冇乜門路，咁就不如聯絡嚇《明周》，大家當做個朋友囉！我講真?，有乜所謂！”