陳展鵬指太太感染過濾性病毒致面腫
體檢報告好：再生三個小朋友 郭柏妍食物敏感后回復“靚樣”

陳展鵬和郭柏妍今日（12日）現(xiàn)身廣州出席《TVB內聯(lián)外通新篇章-大灣區(qū)影視華采發(fā)布會》，提到太太單文柔早前自爆突患上“怪病”，透露自己無端眼腫、面腫和頸腫，病發(fā)照片變得面目全非。

陳展鵬指太太因感染過濾性病毒引起，加上天氣轉變關係，導致身體不適。

他又指自己盡做了丈夫的責任，除了安慰太太也給予信心，經(jīng)歷今次事件后兩夫妻一齊做身體檢查，又自爆健康狀況好，膽固醇無超標，更搞笑指身體好到可以拍更多劇，再生三個小朋友。

郭柏妍對于早前在社交網(wǎng)分享“面目全非”相片，她自爆因嚴重食物敏感而引起，更半小時內引起面腫、眼紅又流眼水，甚至氣管收縮抖不到氣。

不過當日出席活動，見她回復“靚樣”。

她解釋首次遇上敏感到這般嚴重，當日只是吃日常的東西，雖然未知哪種食物引致敏感，但會做檢測，不過最驚影響到拍劇。

她說：“可能跟天氣有關，嗰日媽咪陪我入院打針后已經(jīng)消腫無事，依家要食用抗敏藥。”

郭柏妍重提食物敏感抖唔到氣　以為自己會死密碼全告知媽咪

郭柏妍早前因為食物敏感引致眼腫臉腫，更令她氣管收窄，呼吸困難要急入院治療。今日郭柏妍出席TVB 內聯(lián)外通新篇章大灣區(qū)影視華采發(fā)布會，被問到康復情況，她說：“今日好返好多，面都無咗腫喇，有好多朋友關心我，畀建議我，叫我去check啲咩。”

她重提當晚病發(fā)經(jīng)歷：“瞓瞓下覺突然隻眼唔舒服，呼吸唔到，即刻要入醫(yī)院打針。我之前食咗中菜，但應該唔關事，都食咗啲燥熱嘅嘢，嚟緊會去做啲test。咁啱嗰段時間唔使開工，但係就去唔到《俠醫(yī)》嘅煞科宴。”

問到郭柏妍是否第一次病發(fā)，她猶有馀悸地說：“第一次，所以非常之驚訝，都有嚇親屋企人，我爺爺睇到報道之后有打電話嚟問我。嗰晚好彩有媽咪陪我入醫(yī)院，我有喊，但又唔敢喊得太大聲。

（驚唔驚會死？）嗰一刻驚呀，講曬啲密碼畀媽咪聽，我已經(jīng)慶祝咗母親節(jié)同父親節(jié)，覺得該做嘅都做咗。今次係離死亡最近嘅一次。自己都拍咗好多劇，留低咗啲回憶。”

提到之前在社交平臺放負，郭柏妍說：“係覺得自己喺戲劇方面做得唔夠好，有咁多工作機會都無做得好好，唔想辜負大家嘅期望，係自己要求高，無人話我，係自己嘅問題，呢個都係一個經(jīng)歷令我會成長。”