53歲袁詠儀唔介意忽然有喜 跟18歲囝囝有代溝 指張智霖「佛系」

53歲袁詠儀（靚靚）於馬來西亞電影《OMG！阿媽有喜》中，與當地演員黃潔琪（Miko）演母女，她指今次拍攝過程開心，最初不太習慣拍攝節奏慢，她說：「只得我一個香港演員，初初都唔習慣，心諗可唔可以拍快啲？不過又明白當地文化。」

為了與戲中女兒黃潔琪的對手戲效果更好，她亦提議某些場口講對白節奏快一點：「如果同阿媽駁嘴，唔可以慢，慢左感覺就會爭啲，要駁阿媽要即刻駁，駁到阿媽鬧唔到先叫好。」

Miko大讚「阿媽」袁詠儀好好：「拍攝前知道是靚靚姐，其實勁緊張，驚講對白食螺絲，拍完第一場戲之后，反而覺得有靚靚姐喺度就唔驚，NG好少。」她指首次與袁詠儀見面時，不敢主動開口，最終是對方開口打破隔膜：「因為靚靚姐有氣場，我成個人驚到靜靜立正。」

現實中Miko有家姐和妹妹，她稱演出這部戲時，也心想如果媽媽現在生多個，她一定接受不到，因為驚媽媽當高齡產婦辛苦。

袁詠儀則表示即使去到現在這個年紀，忽然有喜也不介意，她說：「因為本身好鐘意小朋友，但我咁嘅歲數，要有計劃去做先得，養同教系好大責任。」她指經常和18歲的兒子表示，現在已經是獨立個體，她也理不到太多，已盡了做父母的責任，后面的路由兒子自己去行，她說：「如果我家有左嘅話，都希望真系可以陪到18歲。」

她透露也曾和老公討論過這件事：「大家都知道張生（張智霖）幾佛系?啦！如果我有左，佢真系冇所謂，50歲之前我都仲好想，但老公只提左一句，佢問我系咪唔記得考學校系點？無奈個天覺得，我都系照顧一條友就夠喇﹐有段時間我想生多個，都有同當時8歲仔講呢個計劃，但失敗左，阿仔仲喊得痛苦過我，唔緊要啦，都努力過。」

她指老公經常講，過多幾年有機會抱孫，但她認為兒子應先放眼世界：「即系唔急，可以過多幾年先，當然唔希望兒子30歲先生育，到時我驚冇力幫手湊。」

袁詠儀坦言與兒子有代溝：「點會冇呀！梗系有啦！我已經盡量扮后生，爭在未喺屋企著短裙。」她指老公除了頭髮和鬚根白，基本上個腦沒有老過，仍然很年輕，十分貼合兒子想法：「佢的感情好啲，初初有妒忌，家冇，好處系我比較嚴厲少少，有時同阿仔有衝突，老公就可以擔當緩衝橋梁，有時想知兒子嘅野，唯有喺老公口中套出嚟，佢由阿仔出世開始就做好人，冇做過壞人，但我仍然覺得阿仔終有一日當父親會明白，作為父母唔可以隨意放手冇規矩。」

談到港產片量愈來愈少可會感慨？靚靚認為每一個地方都有轉變期：「現在好似另外一個年輕時代，睇到最近有好多新題材電影，有好多新導演，以前嗰批導演都系咁樣開始做，新導演開始將香港好多唔同文化繼續拍出嚟，我覺得要一步一步嚟，不只香港電影，個大氣候都系咁，大家努力。」