黎燕珊大女劉詠詩今出嫁 重量級龍鳳鈪勁吸睛
逆齡外母感恩女兒成家：呢份功課超過100分

黎燕珊（珊姐）大女劉詠詩（Wynce）覓得如意郎君，與從事IT界的男友鄭健民（Kenneth）結束12年愛情長跑，去年已注冊結婚，并待囡囡鄭凱蕎（Eleana）出世后，于今晚（6月7日）晚上假Hotel Icon（唯港薈）擺婚宴暨弄瓦喜酒。

初做新外母好緊張 叮囑女婿加倍愛護女兒
今早在酒店進行接新娘及斟茶給長輩儀式，“逆齡外母”珊姐與女兒一起穿上裙褂，開心又興奮陪著女兒出嫁，當她把女兒交給女婿時，不時叮囑對方要好好待她的心肝寶貝，不能大聲跟女兒說話。

她笑著道：“今日係我大女詠詩和女婿健民大喜之日，我自己係單親媽咪，一手一腳湊大一對仔女，終于等到她今日成家立室，以后由老公照顧女兒了。”

珊姐又謂接新娘時，最感動是女婿對囡囡詠詩講愛的宣言，并唱情歌，她說:“從他們認識到拍拖，這段日子絕對不短，過程中互補不足，真係好感動，我祝福女兒家庭幸福，白頭到老，白髮齊眉，兒孫滿堂，哈哈！”

珊姐送贈女兒金鈪非常重手
一對新人并跪地斟茶給珊姐及珊姐媽媽，珊姐送贈女兒一對龍鳯金鈪非常重手，親友們所送金器可謂金光燦爛，整天笑不攏咀的珊姐透露婚禮前一晚原來非常忙，“我終于明白辦喜事，都好勞心勞力，又緊張，怕待慢嘉賓。”

她雖然拍戲也演過不少婚禮情況，但親身經歷又是另一回事，“自己親身去經歷做主人家，冇試過真係嫁女，真係難以形容咁興奮?！好開心！過去我們一家三口去行呢條路，直至我個女認識我女婿后變成一家四口，家仲變埋一家五口，因為我做埋最靚嘅婆婆啦！最開心有埋孫女Eleana嘞！”

不忘提點女兒與女婿對家庭要有責任心
珊姐對女婿Kenneth相當滿意，但將女兒交給女婿時不忘向健民訓話，“女兒詠詩係我心肝寶貝，所以唔準大聲同我個女講嘢，如果有日真係覺得我個女脾氣好難頂就同我講，由我教番個女先再交返畀你。”

不過珊姐都好公道，亦有叮囑女兒，“我同詠詩講佢都做了媽咪，好多嘢都要用一家三口角度諗，同埋要好有責任，好似我當日做咗單親媽咪后，真係做任何嘢都會諗咗佢哋先，甚至乎過條馬路都會好小心翼翼，每行一步除咗有我信仰支持之外，我都會好小心。”

多名電視圈高層出席
黎燕珊于圈中人緣極廣，今次嫁女亦邀得多名重量級嘉賓到場祝賀，當中包括TVB高層樂易玲，前TVB高層吳雨，天王郭富城經理人小美，邱德根太太和邱達根，而李司棋、黎瑞恩、莊思明與楊明、郭秀云、王玉環等亦都盛裝到賀。

樂易玲于合照時攬住黎燕珊腰部，同新娘劉詠詩雞啄唔斷，彼此甚為熟落，而黎燕珊見到李司棋更開心得緊擁對方，雙方笑到見牙唔見眼，大家都對劉詠詩予以祝福。

朱晨麗自稱冇拍拖
另外港姐冠軍朱晨麗亦有到場，對于有傳她與富二代史昊洺拍拖而躋身上流社會，在馬場拉頭馬，自稱沒拍拖的她表示有很多馬圈的朋友。

不止是透過對方才可拉頭馬，朋友們每次請她到馬場都幸運地拉頭馬。

莊思明楊明于婚宴取經
莊思明和楊明拍拖到場，楊明笑指每次去婚宴都會取經，為將來做好準備，至于幾時結婚就未知。

講到他們昨日到澳門欣賞G-Dragon演唱會，莊思明表示非常開心。

不過楊明笑指下次睇演唱會不會再買企位，“其實坐位都可以有氣氛，企位無氣氛時會很累，因為我們企位要再早啲去霸位，買周邊產品又要排，昨日企左差不多8個鐘，辛苦過拍戲，但都值得，真係好好睇，氣氛又好。”

詠詩出嫁后，珊姐坦承現在最期待囝囝劉德權（Dicky）也成家，“時間過得好快，個女都有自己家庭，期待我個仔，應該都好快嘞！她坦言自己人生最大嘅功課，就係湊大一對仔女。”