張曦雯性感搶鏡透露新劇全員壞人　自己角色毫無道德底線

張曦雯今日出席TVB 內聯外通新篇章大灣區影視華采發布會，她的低胸貼身裙盡騷完美身材線條，可說是全場最性感。張曦雯對于今日的性感打扮。

她說：“造型師畀咩我我就著咩，我哋年年都會同客戶講嚟緊會畀咩作品佢哋，都要親身嚟大灣區見下大家，要著靚啲同隆重啲。”

她透露將會拍攝新劇《璀璨之城》說：“會去澳門同珠海住一段時間，《俠醫》拍完十幾日，唔使開工我都有啲唔慣，放假唔會去旅行，淨係想喺屋企躺平，打機都未有時間。”

談到新劇的拍攝工作，張曦雯說：“深圳成日都去，住過個零兩個月，澳門就係第一次去拍劇，好期待澳門啲美食。”

她透露新劇的拍檔有吳卓羲、高海寧以及張智霖等。

張曦雯說：“我飾演吳卓羲太太，係一個豪門太太，監制話套劇全員壞人，我個角色係最不擇手段，最無道德底線嘅，我好鍾意呢個角色。（唔驚之后出街畀人鬧？）鬧先好，代表我演得成功，我第一次做咁奸嘅人，其實喺佢角度唔係壞人，係為咗愛，佢好愛佢老公。”

至于經常不在香港可會令男友投訴，張曦雯說：“我男朋友佢自己都好忙，佢都唔喺香港，我哋已經習慣咗，小別勝新婚。”

近期labubu熱潮越來越勁，張曦雯早前亦曾在社交網曬出她的labubu，她說：“全部都係我啲fans送，我媽咪都鍾意，有送畀媽咪。我無用炒價買，唔知有隻炒到百幾萬。”

張曦雯《璀璨之城》演大反派 惡斗高Ling：癲就癲盡佢

張曦雯（Kelly）今天（12日）身穿低胸貼身長裙，亮相在廣州舉行的發布會，今年劇接劇成為無綫劇后的Kelly，早前拍完劇集《俠醫》，緊接本月22日到珠海為新劇《璀璨之城》拍外景，完成后再到澳門拍攝。

劇中Kelly與吳卓羲演夫妻，張智霖是她的大伯，高海寧是大伯娘，劇情描述大家族妯娌之間恩怨情仇。

她說：“劇情寫我和高海寧原本是好姊妹，后來因吳卓羲而反面，會經常惡斗。角色最大難度是要做盡壞事，是完全的大反派，癲都要癲到最盡，與《俠醫》的好人角色反差好大。”張曦雯認為每套劇角色都不同才有挑戰性，自己都好期待演奸人。