張與辰回應《東周刊》與Kelvin關係 : 佢已經好似屋企人
一起開制作公司不會因此避忌 已搬新居目前一個人住

《中年好聲音3》的亞軍張與辰早前被《東周刊》爆有同性密友Kelvin 默默守護他，而兩人患難與共，在公在私都拍住上，張與辰為了幫Kelvin申請工作簽證來港而準備在香港成立公司。

張與辰與Kelvin已認識16年
張與辰昨晚（21日）到電視城出席節目《好聲音夏日音樂會》錄影，對于被指有同性密友，張與辰表示跟Kelvin是“兄弟情”，兩人已一起開公司16年，是公司拍檔也是助手，問到Kelvin是否他情感上的另一半？

張與辰說：“唔係，邊有可能！大家諗多咗，真係諗多咗！”

張與辰指Kelvin當初看完《中3》比賽后，因當時真的需要人幫手，所以叫對方幫忙，又表示自己在人生最低潮，Kelvin也幫了自己很多：“由低到慢慢一路爬起，大約15、16年，到今時今日有咁樣嘅成績，佢都會開心，所以會睇到佢喊、感動，呢樣嘢我相信睇住我成長嘅人都會有呢個感觸，係兄弟唔係愛情，佢已經好似屋企人咁，15年呢個時間真係好長，好friend，所以唔係大家所諗嘅感情。”

Kelvin幫忙搞銀行及搬新屋
他指兩人開的是制作公司，所以自己制作上會全部交給對方，問到是否打算在香港成立公司幫Kelvin申請工作簽證來港，張與辰否認，更指沒打算申請他來港，但因要處理歌迷會錢銀上的事情，所以的確成立了一間公司。

而Kelvin因此也留港久一點，幫自己搞銀行及搬新屋的事，而因對方是公司拍檔關係，所以兩人之后的相處也不會避忌：“我覺得冇乜嘢好避忌，一齊做嘢避忌唔到，佢都係要出去幫我傾制作嘅嘢，就算做其他人嘅工作佢都要出現，所以我覺得冇必要避忌。”

張與辰視高Ling為心中女神
而問到張與辰的性取向？他即笑說：“我鍾意高Ling（高海寧）呀嘛，我欣賞高Ling，因為佢好努力、又靚、演戲又好，冇乜嘢唔好。（佢單身你有機會！）唔諗住先，搞埋個音樂會先。”

他指有見過高海寧，但就沒有交換電話，又謂在她去內地參加演戲節目時，見到她表現很好也越來越進步：“當一個人有才華嘅時候就自然會有吸引力，（唔使懷疑你性向？）係呀，唔好諗咁多。”

對于稍后“中3”在啟德開騷，張與辰笑言最大壓力在記歌詞方面，因為現場沒有提詞機，又指已搬了新居，現在睡得很好，重申現時只有一個人住。