香港
戴祖儀、陳懿德及游嘉欣主持的無綫綜藝節目《寵你一世》今晚（21日）播出第2集，請來姚子羚（Elaine）及關楓馨（Fabi）現身。姚子羚為愛犬“通仔”學整寵物點心，還跟隨陳懿德齊齊做狗義工，親力親為照顧老無所依的待領養貓狗；Fabi則帶愛犬Kewpie到主題公園暢游兼staycation。
曾在《一日打工限定》跟點心師傅學師的Elaine，在《寵你一世》中又學整點心。她在節目中與通仔的互動相當有愛，經Elaine悉心照顧的通仔亦十分乖巧。原來Elaine收養通仔初期一波多折，2016年更因被通仔咬傷面部而停工半年休養。
那次事件令Elaine重新審視與寵物之間的相處及關係：“當然嗰時我都需要用番一啲時間，克服自己對住佢嘅恐懼。不過，當你了解咗佢嘅脾性之后，其實我都有責任，我以前冇用咁多時間、心機喺佢身上。后來我自己照顧番佢，就學識咗原來陪伴係非常重要。”
邊說邊忍不住流下感性眼淚的Elaine，坦言被通仔的簡單及真摯感動。她表示：“其實佢哋好簡單，你每一日放工返到屋企，佢都會好似好耐冇見你咁，衝埋嚟你度。佢每日食緊同一款嘢、行住同一條街，但佢都好開心，感恩佢喺我生命中出現，希望佢可以健健康康生活落去。”
前后共養了17隻狗的Fabi分享如何面對狗仔離世的問題：“有一排，我差唔多一年，或者隔一年就走一隻，嗰陣真係好痛苦。我覺得之所以咁傷心，就係因為你曾經咁愛過一隻狗，有一段好好嘅關係，所以我覺得傷心都係值得。”Fabi表示每次有狗仔離世，都會保存仙游了的狗仔腳印及毛髮作為紀念：“所以永遠都會見到，同埋會記得佢哋嘅。”
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
