女神配對計劃｜ 《東周刊》獨家專訪曾展望
自爆患過度活躍癥靠藥物控制 曾上龍虎山考道士資格

女神配對計劃｜TVB的戀愛真人騷《女神配對計劃》近日成為全城熱話，當中曾展望（GM）與葉蒨文（Sophie）更是網民焦點。最新一期《東周刊》獨家專訪曾展望，分享他的人生故事。

曾展望熱愛拉丁舞街頭被相中入行
現年27歲的曾展望，出生于美國洛杉磯，3歲時隨家人移居香港，畢業于香港理工大學會計系。曾展望從小非常愛表演，喜歡參加話劇；另外，熱愛拉丁舞的他，更曾在東亞運動會表演。

2017年，因為在街頭接受《后生仔傾嚇偈》的訪問，約半年后節目組突然聯繫他，邀請他加入《后生仔2.0》。相信命運的他說：“有啲嘢真係整定?，其實平時我係一個好少返學嘅學生，但係喺街接受訪問嗰日，因為喺學校約咗人見面，所以嗰日就著得齊整啲，咁啱嗰日我又早咗半個鐘放學??半年之后就有人打俾我，去見咗幾次之后，就加入咗TVB。”

曾展望患過度活躍癥跳爛3張梳化
眼前的曾展望文質彬彬，原來小時侯有過度活躍癥，現時回想當年讀書的頑皮事件，也覺得極度夸張！他笑指，自己的活躍程度是可以跳爛3張梳化：“當年我上堂，每一堂都要攞老師嘅簽名，集齊咁多個簽名之后，就拎去訓導處俾老師睇，少咗個簽名，訓導主任就會問：‘你今日係咪曳曳，做過啲咩嚟？’

我記得有一次上緊堂，自己無啦啦企起身，搵埋啲同學捉迷藏。當其時覺得好過癮，好high，個心諗，只係跟同學玩啫！當年，阿媽都未發覺我有呢個問題，佢只不過覺得我係比較活潑，比一般小朋友百厭咗啲啫。”

曾展望無法聚焦超過10秒
直至有一天，曾展望覺得要正視這個問題，因為他做每一件事都不能聚焦逾10秒；于是，他找醫生求肋：“醫生同我講，我嘅過度活躍癥都幾嚴重，需要食藥。我食咗藥之后，雖然平靜咗，但係就會有抑鬱嘅感覺，唔開心，做事提唔起勁；之后，我就用做運動及睇書來平靜自己，唔再食藥。”

據悉，Sophie都有輕微的過度活躍癥，難怪兩人那麼投契。

雖然與Sophie的年齡相差5歲，但GM曾上過龍虎山參加“授籙儀式”，并考取道士資格，故修為及悟性都相當高，絕對能將兩人的距離拉近。

GM表示，因八卦而驅使他去認識道教：“讀大學時，我有個同學撞鬼，我哋一齊去過沙灘玩，凌晨三、四點，佢竟然見到有一個小朋友行過。返到宿舍，佢望落去，又見到嗰個小朋友圍住個泳池跑；之后，搭上搭識到個師傅，話可以解決呢啲嘢。我咪好八卦咁陪佢去囉，跟住就識咗呢個師傅。”

GM續說：“其實，當時我覺得除咗呢啲神怪嘢，呢個師傅講嘢非常之有道理，我覺得佢係一個幾好嘅人生導師，所以就想跟佢學習，就入咗道教。”多年來，他從道教中領悟到要活在當下之馀，更學識了不少法術去幫人。

他說：“我一路以來都有學唔同嘅法，例如：驅鬼、符咒，亦有學招財、升運，我自己比較多做嘅就係幫人醫病痛，我唔會攞嚟當搵錢，主要幫朋友。我可以用花字（通常用來加強符咒的靈力，讓法術更有效應驗）；

幫你寫劍紙，寫完你真係會立即覺得好啲。我都幫過好多同事，例如之前同吳若希做《奇情谷》，佢話瞓捩頸，跟住我幫佢寫花字，佢立即郁得番。佢好好笑，開咗個神醫群組，叫咗一堆朋友加入群組俾我醫病！”

當然，GM就沒有向Sophie施“和合咒”，令她乖乖愛上自己啦！