廣東
香港犯罪動作電影《風林火山》由麥浚龍監制、導演、編劇并擔任美術總監，金城武、梁家輝、劉青云、古天樂及高圓圓主演，電影即將于康城影展舉行世界首映。《風林火山》世界首映前，于香港舉行劇照及雕塑展覽，展出一系列從未曝光劇照及西班牙雕塑家Eudald de Juana Gorriz制作的主角雕像，導演Juno今日（10日）亦特意在出發前往康城前現身，分享《風林火山》制作點滴及接受傳媒訪問。
《風林火山》世界首映前，于香港舉行劇照及雕塑展覽，展出一系列從未曝光劇照及西班牙雕塑家Eudald de Juana Gorriz制作的主角雕像，導演麥浚龍特意在出發前往康城前現身。（葉志明 攝）
《風林火山》世界首映前，于香港舉行劇照及雕塑展覽，展出一系列從未曝光劇照及西班牙雕塑家Eudald de Juana Gorriz制作的主角雕像，導演麥浚龍特意在出發前往康城前現身。（葉志明 攝）
《風林火山》導演麥浚龍在自己的劇照上簽名。（葉志明 攝）
在《風林火山》于康城影展世界首映前舉行展覽，麥浚龍表示早已計劃舉辦雕塑展，笑言難以選出最為鐘情的展品：“電影本身當然已經系一種藝術形式，但我成日覺得可以有更多藝術呈現、媒介去展示，哪怕觀眾暫時未睇到部戲，都可以從劇照、雕塑去感受到呢部戲。”能夠帶第二部執導作品到康城參展，Juno亦分享到當中喜悅與負擔：“當然好開心，同時背負好多人嘅努力同期待。首先系制作團隊，因為歷時好長，某幾個合作單位都過咗身，所以都好希望所有榮耀可以同喺天上面嘅人分享！”麥浚龍亦未有透露能夠于康城影展進行首映，是否由影壇前輩出面促成，但感謝一眾評審：“我諗要多謝評審啦，因為每一年嘅評審都唔同，收到入圍康城呢一個消息對我嘅團隊嚟講都系好大嘅鼓舞！”
麥浚龍受訪時感謝康城影展評審青睞，并表示希望將一切榮耀與離開人世的團隊成員分享。（葉志明 攝）
《風林火山》男主角之一古天樂早前透露將會出席康城影展，麥浚龍表示目前只知道首映日期，并正在忙于處理音軌：“其實我連自己喺康城展出地點都未知道，所以反而未問發行商有邊個出席，都浪漫嘅！咪去到先知道啰！”至于另一半戴庚玲會否一同出席，Juno表示：“今次團隊都多人一齊去，但呢一刻都諗咗做嘢先！因為未知道成個期表，每一日都加緊唔同嘅訪問同活動，量力而為啦。”
麥浚龍受訪時表示未知《風林火山》出席康城影展的演員名單。（葉志明 攝）
《風林火山》主演金城武多年來甚少身處香港，麥浚龍表示未有就《風林火山》的動向聯絡金城武：“關于康城旅程我冇向演員聯絡，因為我幾日前先喺泰國返嚟。都系以電影行先，所有臺前幕后能夠出席到嘅話，我都好榮幸！”麥浚龍于訪談節目預告中透露與金城武首次見面時無法找到地點，他笑言：“系有個地方嘅，只不過個地方唔系喺地面啫！一路揾個門牌都揾唔到，原來喺地底！呢部戲揾每一個演員都系好獨特同好個別嘅溝通模式。”
麥浚龍表示未有就《風林火山》的動向聯絡金城武。（《風林火山》劇照）
麥浚龍表示未有就《風林火山》的動向聯絡金城武。（《風林火山》劇照）
對于《風林火山》劇情，麥浚龍笑言不少演員均有一個疑問：“我最記得寫好個劇本、揾唔同演員，佢哋咁多個之間溝通過，但都有一個共通點，收到《風林火山》嘅劇本都不約而同地問系咪《僵尸》嘅續集！當時要拍《僵尸》嘅續集其實相對系易好多，但喺靈幻題材上其實我想拍嘅已經喺《僵尸》入面拍曬，所以寫過一個同靈幻、神怪無關嘅新劇本。”麥浚龍更透露落筆寫《風林火山》一刻，原來全因失眠所致：“我記得落筆寫第一場戲，系我帶住《僵尸》去威尼斯影展，因為出席緊接的多倫多電影節有時差所以瞓唔到，所以喺一個失眠嘅晚上開始落筆寫。”
麥浚龍透露《風林火山》劇本在自己失眠時落筆寫作，寫成后所有演員都問是否《僵尸》的續集！（葉志明 攝）
《風林火山》制作經年終于出現上映眉目，麥浚龍直言感動：“都有感動、感觸嘅時候，我覺得每部電影都有屬于佢嘅命，我只能賦予佢一個生命、去孕育佢！我成日都覺得，到后期制作最后一分鐘，我嘅工作已經完成，之后佢就會有佢嘅路！其實系呢部電影帶住我去跑，因為拍《僵尸》嘅時候我系28歲，當時嘅體力、思考模式所有嘢都唔同！雖然今次系第二套執導作品，但系歷時好長、系會有攰嘅時候，但系要孕育出一部有棱角嘅作品，所有攰同辛苦都系值得嘅！”
《風林火山》制作經年終于上映，麥浚龍表示為孕育有棱角的作品，所有攰與辛苦都值得！（葉志明 攝）
至于《風林火山》正式上映日期，麥浚龍表示需要詢問發行商的安排：“當然我希望今年可以，但系我都要先照顧咗即將會睇呢套戲嘅觀眾先！”梁家輝于節目上開玩笑紙曾經以為電影會在自己死后才正式上映，麥浚龍笑言：“冇呀，佢都好健康呀、冇嘢呀！”
《風林火山》舉行劇照及雕塑展覽，展出西班牙雕塑家Eudald de Juana Gorriz制作的主角雕像。（葉志明 攝）
《風林火山》舉行劇照及雕塑展覽，展出西班牙雕塑家Eudald de Juana Gorriz制作的主角雕像。（葉志明 攝）
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
