女神配對計劃丨周嘉全因李芷晴被批世界大兵！
因一事討厭自己 徹夜難眠內疚感不斷涌上

女神配對計劃丨由有“金牌媒人”之稱的林盛斌（Bob）主持的TVB戀愛綜藝真人騷《女神配對計劃》于6月8日（星期日）播出首集，在節目上，林盛斌與“星級花生團”攜手為TVB五大女神梁敏巧（Maggie）、葉蒨文（Sophie）、李芷晴 （Stephanie）、關嘉敏（Carman）及羅毓儀（Yuki）公開招親搵男友。

周嘉全食檸檬后撰長文稱涌出內疚感
在《愛．回家之開心速遞》飾演“Elaine”的李芷晴，在首集被暗戀7年的藝人周嘉全公開示愛，但李芷晴當眾拒絕并惹來兩極的聲音，其后周嘉全在《東張西望》主播要求下次示愛，再度食檸檬收場，結果不少將矛頭直指李芷晴，周嘉全昨晚（13日）撰長文表示：“內疚感不斷咁涌上嚟。”

周嘉全第二集播出之前道出自己感受
參與《鐵拳英雄》及《奪命提示》、入行超過十年的周嘉全拎著一副素描畫向李芷晴示愛，不過遭李芷晴當眾拒愛并說：“其實我一直都冇喺呢方向諗過，因為我哋都幾fd，係係少少fd zone咗。”

其后周嘉全說：“其實揀唔揀我，我一直都會咁欣賞妳，而且我會相信妳選擇幸福嘅能力，所以我係....唔緊要嘅。我哋由頭到尾都未試過有約會，一直都係以朋友身份相處，我頭先都講過，我相信佢選擇幸福嘅能力，呢一樣我係真心。”周嘉全昨晚（13日）在IG撰長文稱決定第二集播出之前道出自己感受，全文如下：

感謝大家嘅comment，每個平臺嘅comment我都有睇嚇，小紅書連登Facebook IG Threads各新聞報道，咩承受我的狂畫野，咩世界大兵，咩甚麼都不是你是二等兵士，全部都笑到我肚痛。首先，我完全冇劇本，0，nothing。

無錯，我第一次海選個態度好唔同，我完全冇勇氣去承認自己鍾意芷晴。原來未有互動環節你就要表露心跡。六七部cam影住自己，要面對全香港甚至內地嘅觀眾，我開唔到口去承認去表白。對于七年嘅友誼，我一直小心翼翼去珍惜。

但係，我返到屋企之后幾晚都瞓唔著，內疚感不斷咁涌上嚟。另外四位都係非常優秀同善良嘅女仔，但係問我一萬次，我可能都係揀李芷晴，點解就冇勇氣同其他人承認呢件事？我對于呢個懦弱嘅自己十分之討厭。

呢個時候，我老竇知道我參加呢個節目，竟然鼓勵我放膽去愛。需知道就算我以前讀書幾咁努力考好成績，又或者工作上幾辛苦得到小進步，我父母從來都唔會有一句慰問或者鼓勵。試過電視機播緊我嘅一場主戲，可以望都唔望下，佢哋就係我嘅父母，唔奚落我已經好好。所以，我老竇鼓勵我嘅一刻係好震撼，三十一年嚟第一次收到鼓勵（雖然佢提議我嘅表白方式我做咗嘅話而家喺警署）。呢一個，係我喺呢個節目得到嘅最大得著。我嗰刻覺得有少少天意主使。

表白呢件事本身只有一個意義，就係話畀對方聽佢值得擁有愛。當刻或者將來發生咩事，全部都需要心理準備。我又唔係完美嘅人，凡發生必合理。另外其實好少朋友留意到一點，我雖然當刻好失落，但其實我講完出嚟好長嘅一段時間我都係keep住好爽，對于敢愛敢恨嘅自己，我好自豪好滿意。我好proud of自己，夠膽同對方講佢值得被愛。

昆德拉嘅《笑忘書》里面話過，男人其中一本書係失戀之傳記，“最有趣的大概是這一部”、“痛心的充滿未竟之可能的歷史”，而家我嘅失戀之傳記又多咗一頁。我當咗係失戀嫁啦，嚇點解呀都無戀過。自來也都當綱手係失戀啦，男人係咁?。

再者，我學每樣野都要打工賺返嚟，我食嘅每粒飯入嘅每滴油入面都有血有汗。曾子話“士不可以不弘毅 任重而道遠”。就算我係甚麼出身，我都有我條路要行。幾多線演員都要認真對待自己工作。只要仍在努力的事就不算失敗。我希望我嘅出現會令大家鍾意呢個世界多啲，因為我熱愛我嘅生活。

感謝每位觀眾，我喺呢個節目就好似鞭炮咁啪一聲無咗，之后嘅精彩留待其他參加者、用心嘅節目組，同五個好好嘅女仔為大家呈現。

周嘉全獲圈中好友和網民都留言鼓勵
不少圈中好友和網民都留言鼓勵周嘉全，黃建東說：“加油，對自己要有多啲自信。你值得擁有。”“貓仔”黎寬怡亦有留言：“‘是金子埋在哪也會發光！’祝福您呢粒金子不但為人帶嚟耀眼嘅光芒，仲會搵到專屬您自己嘅幸福，一輩子都能好好去愛與被愛。”還有人說：“今次得著應該比失去多。 得不到有時也不是壞事。”