張天賦8.19麥花臣舉行新碟發布會 以“咕嚕肉”比喻全新個人大碟《 Sweet & Sour》

MC張天賦日前于社交平臺宣布推出全新個人大碟《Sweet & Sour》，更宣布將于8月19日旺角麥花臣場館舉行《A sweet & sour night》 新碟發布音樂會。

新碟不但收錄多首大熱歌曲包括《小心碰頭》、《說謊者》、及《懷疑人生》等等，更收錄國語新歌《目擊者》、《狼狽》及首次推出英文新歌《Ain’t No Foo》及《I’m okay》。專輯將于明日（17日）于各大唱片店及音樂串流平臺上架！

新碟概念源于MC認為，音樂無分高低，故他從不會抗拒任何類型的音樂，希望透過他的每首作品，分享更多不同的音樂類型與風格，以音樂大同的態度，唱雅俗共賞的歌！一向為食的他更以“咕嚕肉”這道菜餚比喻新碟的主題概念。

MC說：“我最新嘅專輯《Sweet & Sour》其實呢個名同埋佢概念係源自于我同A&R同事嘅一個對話，當時佢問我如果要用一個字或者一個詞語去形容你過去一年嘅生活，你會點樣回答？于是乎我就話‘悲喜參半啦！’咁佢靈機一觸就話不如呢隻專輯就叫《Sweet & Sour》啦，所以其實嗰個概念係同情感生活中嘅對比有關，例如甜蜜同苦澀、快樂同悲傷。

講起《Sweet & Sour》，喜歡食嘢嘅我一定會諗起“咕嚕肉”，佢（咕嚕肉）不但有中式同西式嘅做法，老少咸宜之外，亦非常代表香港呢個地方！同時你都可以喺唔同嘅場合都會見到佢（咕嚕肉），無論係一啲高級嘅宴會或者係大家喺屋企嘅住家飯都好容易會見到呢款菜式！咁所以我覺得佢（咕嚕肉）非常之切合呢個專輯嘅概念！”

望下隻碟以卡式帶形式推出
MC由出道至今產量極高，一直密密出碟，問他是否已有下一隻專輯的構思及計劃？他笑說：“出一隻碟當然開心同埋多謝‘賦二代’嘅支持！咁其實（專輯）背后要有好多人一齊去努力先至能夠有呢個成果，況且出咗呢隻碟之后都仲有一個華納家族澳門演唱會，所以都要小休一陣，先至繼續努力創作， 如果下一隻碟可以以黑膠形式或者以卡式帶形式推出嘅話我諗都應該幾正！而且我都會希望加入多啲唔同嘅元素啦，或者唔同嘅語言，或者係同唔同嘅音樂人合作?！?/p>

《東邪》是《反對無效》古代版
推出最新專輯《Sweet & Sour》的同時，其新歌《東邪》亦同步于各大音樂串流平臺上架，MC更分享他認為這首歌曲是他新碟之中，其中一首最有意思的歌曲;

“《東邪》呢一首歌應該係《Sweet & Sour》呢隻專輯入面，我認為最有意思嘅其中一首歌，呢首歌大家憑歌名都應該估到係講緊金庸小說入面嘅黃藥師，佢本身係一個好獨立、好不羈、充滿反叛同埋神秘嘅個性， 呢首歌其實有首好浪漫嘅歌，以中國風嘅形式去講述佢對愛情嘅睇法，至于佢不羈、固執同埋自由嘅個性，我覺得呢一首歌就係《反對無效》嘅古代版！”

感恩舉行新碟發布會
昨日MC更于社交媒體宣布8月19日將于旺角麥花臣場館舉行《A sweet & sour night》 新碟發布音樂會，他亦分享當收到消息時的心情。

“今次係開呢張專輯嘅會議上面，公司就同我講話不如我哋今次除咗出碟之外，不如做一個新碟嘅發布會??？咁我聽完之后我非常之同意，好開心有呢個idea！

因為唔單止可以一口氣唱哂新碟入面嘅所有歌，而其實有啲歌都未必會有好多機會可以唱live比大家聽，咁我覺得可以藉住呢個發布會可以令觀眾現場體驗一下 呢隻專輯究竟係咩嘅一回事！咁我覺得呢個亦都係一個同Fans見面同埋接觸嘅一個好好機會！”