喂！TVB嘅編劇大大們，唔好再“躺平”啦！人哋娃哈哈大小姐嘅真實豪門風云，簡直就系一出活生生嘅《溏心風暴》續集，仲勁過你哋啲劇本！

花生友（吃瓜群眾）我都忍唔住幫你們腦補咗開頭，速速嚟抄功課啦！

【第一幕：法院爭產，墨鏡定乾坤！】
（場景：法院門口，記者多過蟻！）

• 左邊豪車列陣！大小姐（墨鏡+紅唇，氣場全開）獨自下車，女王駕臨！
• 右邊車隊殺到！“二太”帶住幾位“二房子女”壓陣，后車仲有“叔父”同“嫲嫲”，陣仗十足！
• 叔父即刻發難：“冇陰功！老豆尸骨未寒，你就搶細佬妹啲身家？！”
• 大小姐（慢動作除墨鏡，嘴角冷笑）：“細佬妹？邊位啊？同我老豆驗過DNA未？”（記者閃光燈瘋狂閃爍！）
• 記者圍攻：“大小姐！佢哋唔系親生嘅？？？”
• 大小姐（眼神如刀）：“講笑咩！同老豆冇血緣關系！鈣奶江山，我話曬事！”（背景音效：戲劇性轉折！）
• “二太”&“嫲嫲”（捂心口）：“頂…頂唔順…”（應聲“暈低”）
• “二房子女”（扶人怒吼）：“你等著！屬于我哋嘅，一定攞返！”（請自動腦補咆哮演技）

鏡頭突然一轉，閃回40年前廣州：

• 年輕嘅老宗喺學校門口踩三輪車送貨，被保安嫌棄驅趕。
• 佢卑微陪笑，遠處沖嚟個小炮仗：“爸爸！食飯啦！”（6歲小莉莉萌力爆棚！）
• 老宗攬住女，眼濕濕：“乖女！老豆捱生捱死都要為你打江山！”（此處應有溫情BGM鋪墊）

【第二幕：白蓮心機，死敵突襲！】
（畫面：時光飛逝，校辦廠變身鈣奶王國，移民到香港！）

• 14歲莉莉被送去外國讀書，親媽依依不舍。老宗拍心口保證：“放心！總助杜圓圓陪讀，實冇走雞！”
• 機場送別，杜圓圓（回眸一笑）向老宗遞咗個意味深長嘅眼神...（觀眾內心：咦？有古仔？）

鏡頭切返而家法庭：

• 原告席殺出程咬金——娃多多死敵“一心集團”廖山山！（自帶奸角氣場，這個可以讓老戲骨李成昌出演）
• 杜圓圓竟然同對頭聯手？！莉莉當場震怒：“廖山山！當年老豆收留你哩只落水狗，提攜你！良心俾狗食咗？！”
• 廖山山（歪嘴冷笑）：“哎～我做人，最講‘公道’?！都系老宗嘅仔女，圓圓仲‘捱更抵夜’陪你留學添！身家，梗系要平分啦！法官大人你話系嗎？”（陰陽怪氣十級）
• 莉莉姨媽“莎姨”拍枱暴起：“我呸！‘照顧’？杜圓圓哩只狐貍J！喺外國氹莉莉買名牌、打機、逃學！仲搵男仔溝佢！想養廢我姨甥女！毒過蛇啊！”（口水花四濺）
• “二房子女”（跳起）：“你講乜！你講乜！#%￥&@...”
• 莎姨（火力全開）：“鬧你哋啊！死狐貍J！二奶仔#%￥&...”（法庭瞬間變街市）
• 法官（頭痕）：“肅靜！再嘈告你哋藐視法庭！”
• 親媽珍珍（聲淚俱下）：“法官大人啊...我同老宗當年...”（回憶殺BGM響起）

【除佐上面哋，仲有勁爆補充 & 靈魂呼喚！】

1. 驚天反轉必須坐實！二奶啲仔女根本唔系老宗嘅種！系佢細佬嘅！（參考《家族榮耀》羅仲謙司機橋段！）老宗臨死先知，寵咗幾十年嘅“乖仔”系頂綠帽！當場激到吐血身亡，死唔眼閉！（此處需要歐陽震華/夏雨級老戲骨上演影帝級“悔恨斷氣戲”！）
2. 輿論戰三連擊！《創世紀》玩股票過三關，《鈣奶風暴》必須玩“熱搜三連爆”！網民食瓜食到滯，股價上上落落！唔搵娃哈哈冠名都對不起個熱度！
3. 選角我撐佢哋！大小姐人選：高海寧（冷艷霸氣）、胡杏兒（堅韌硬凈）、佘詩曼（氣場懾人）、楊怡（黑化無需眼線）！林淑敏（龍力蓮的小姐真的很適合去爭產）個個都打得！
4. OST女王冇得走！關菊英！關菊英！關菊英！重要事情講三次！冇佢唱主題曲嘅豪門劇冇靈魂！
5. 臺慶劇鎖定！而家開拍，趕上臺慶，實橫掃“最佳劇集”、“最佳女主角”、“最受歡迎電視歌曲”... 攞獎攞到手軟！

【點解一定要TVB？內娛唔得咩？】

有人話：“劇本咁爆，俾內地拍啦！收視實爆燈！”

我：得啖笑！內娛拍得出真·大女主？佢哋嘅大女主唔系“完美假人”，就系最后要霸總打救！TVB嘅大女主，系人！有野心有手段，會跌倒會爬起，笑住捅刀喊住療傷！巾幗的九姑娘、新聞女王的man姐，陀槍師姐的三元... 邊個唔系有血有肉？

《千金歸來》嗰類？咪搞！又長又臭，狗血亂燉加瑪麗蘇！我哋要嘅系快狠準嘅港式狗血，系家族撕X中嘅女性智慧同人性掙扎！哩種風味，得TVB先煲得出嚟！

所以！TVB！唔好再裝瞓！《鈣奶風暴》嘅劇本同熱搜送到嘴邊啦！快啲！開機！Action！全港師奶等住食花生（睇戲）啊！