香港
陳懿德（德德）今日（16/6）現身將軍澳電視城出席《大師兄Welcome Summer大激戰》記者會。對于早前她被踢爆素顏與羅天宇帶著媽咪同枱食飯。
言談間，有指陳母不時催促二人盡快拉埋天窗，獲不少網民送上祝福。
德德接受《香港01》訪問時表示：“其實嗰日嘅大計，佢主要係同我媽咪傾嘅，但我就冇乜點特別傾，因為我嗰排都做緊MC嘅工作，變咗我係咁喺度背稿。同埋我好想講哋好多人都好關注我個樣點解會咁愁，原先我諗住唔化妝，啲人一定會唔認得我，就諗住喬裝，點知都係俾人認得出。（咁你落咗妝羅天宇認唔認得你先？）咁佢緊係認得我啦，我哋同枱食飯。
（咁即係代表你上妝落妝分別唔大 ）真係嘅？多謝。（天宇同媽咪好啱傾？）佢哋係好啱傾，有好多共同話題，因為佢哋兩個都係打Golf，變咗佢哋都一齊去打。（關係好密切？）都係?，佢哋係好好朋友，比我更加好嘅朋友。
（佢係女婿！）嗰啲講啫！（而家未係住啫！）一日唔係，都係未係。（係囉，行咗禮就係！）哈哈，唔係都係係，未係嘅標準任你講。”
鄺潔楹回應被“東周刊”影到疑搵舖位開分店 上節目唔使騷身材自嘲縮咗啲
鄺潔楹（Judy）最近被“東周刊”影到現身九龍城較旺的街道行來行去，疑似在搵舖位開分店，她今日（16日）出席《大師兄Welcome Summer大激戰》記者會時笑言自已只是去食海南雞飯，又謂現在的大環境差，自己的曲奇餅店已暫停一年，現只剩下黃竹坑的服裝店。
正等待拍新劇《玫瑰戰爭》
提到工作，Judy又謂現在正等待拍攝新劇《玫瑰戰爭》，笑指有時間就會去食海南雞飯。
問到《大師兄Welcome Summer大激戰》中是否有騷身材？她說：“唔使到我，可能冇特別保養，身材都縮咗啲，如果保養得宜再騷。（男朋友有冇講？）咁又冇，可能佢唔覺。”
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
