張頴康讚太太麥雅緻絕世好老婆：唔會畀綠帽我戴

張頴康與太太麥雅緻（Angie）到新城廣播接受李有毅（Ben）和兒子李國煒（Benson）主持的《Ben同Benson“chur”到行》訪問，頴康和Angie是圈中模范夫妻，2人分享相識經過，談夫妻相處之道，溫馨又甜蜜。

頴康和Angie于2012年結婚，先后誕下大女“小豆”張雅喬、二子“小花生”張迅橋和孻仔“小蛋黃”Maka，一家五口樂也融融。原來頴康和Angie的相識經過，也跟新城廣播有關。

阿康透露：“第一次見我老婆係TVB臺慶綵緋，我喺排舞室門外見到個女仔迎面行過，個女仔冇化妝都咁靚，畀佢吸引咗我，之后返去問排舞嘅同學，先知佢係邊個，跟住上網搵佢資料，再add佢社交帳號，間唔中上網睇佢啲嘢，點知有一日佢送羊入虎口。”

Angie爆料表示：“真係關新城事，2005年我返香港之后，有聽開阿康同Bob（林盛斌）、阿Ben（杜浚斌）主持嘅《新香蕉俱樂部》，我成日都聽，覺得佢哋好好笑，點知有一日個節目轉咗時間，我喺社交媒體問張頴康，佢好快覆。”

阿康插嘴說：“咁啱我枱面有兩張《投名狀》戲飛，我問佢有冇興趣同我一齊睇，就咁約咗佢出嚟開始。”阿康笑言：“我承認嗰通電話，係我人生轉數最快。”

阿康拍戲期間，有時會將情緒帶回家，Angie直言很難跟對方溝通，更試過離家出走數天，讓大家冷靜下來；某次雙方冷戰期間，曾一度出現“神蹟”，將酒變成水。

Angie大笑表示：“佢買咗支酒返嚟，我因為好嬲，偷偷哋將支酒倒咗佢，再斟水入去，佢一飲以為超市啲酒畀人換咗水，仲去同超市經理講，話佢哋啲酒可能畀人換咗，叫佢哋小心啲，驚下次唔知換咗乜，唔想有其他受害者。”

阿康搞笑謂：“呢位超市經理，如果你聽到呢個訪問，就問我老婆攞番支酒嘅錢。”

夫妻最欣賞對方什麼？阿康表示：“最欣賞佢冇放棄過我，其實好易放棄，我又係難頂，佢都唔放棄係好難發生。”Angie最欣賞阿康專一及愛自己，她說：“佢一直表現得好愛我，由啱啱拍拖到生咗3個小朋友，喺生活上佢都好細微，出門口會叮囑我小心啲，過馬路睇車，好細心嘅表現。”

阿康大讚太太是絕世好老婆，他透露拍拖1個月已經要娶Angie做老婆，“佢嗰個令你安心嘅程度，係唔會令到你傷心，唔會畀綠帽我戴，呢個好緊要，佢唔會有異心，會好忠誠對你呢個人，發生任何時都會企喺你嗰邊。”